03 Август, 2021
0.0202

ВЛАДА - БИЗНИС

Јагода ја доби неработната недела, Мила ја засилува активноста, Венко доби пауза, бизнисот се преструктуира

Објавено во: Економија, Колумни 14 Јуни, 2021

Паузата во борбата против корона вирусот, бизнисот ја користи за свое преструктуирање и за непосредни контакти со компаниите кои беа запоставени во изминатиот период



  

Раде Кончар Сервис, беше првата членка што во март 2005 година ја стави стаклената плочка со обележјето на Стопанската комора на Македонија на својата влезна врата. Во услови кога Комората беше на најниското ниво  тоа беше акт за почит и поздравување. Плочката сè уште е таму, но Раде Кончар се прошири и напредна како една од нашите најуспешни членки. На сликата сме со сопствениците кој успешно го продолжуваат делото на Аце Антевски.


Учесник сум во многу битки помеѓу Владата и бизнисот како што беа: воведувањето на новиот концепт на коморски систем;  воведувањето на системот на бруто плата;  битката околу поврат на ДДВ-то; воведувањето на даночниот систем; царинскиот тарифник; воведувањето на проценката на влијанието на новите законски решенија - РИА системот (Regulatory Impact Assessment); регулаторната гилотиња и слично. Дел од нив добивме, дел изгубивме. Но оваа битка, која сè уште трае, не беше обична. Се дискутираше најдолго, и морам да кажам упорно, но бизнисот не сфати зошто ова прашање му е толку важно. Згора на тоа, Владата ќе добие законско решение со преку 50 исклучоци што доволно зборува дека имало многу сериозна расправа.

Ние сметаме дека таква расправа е потребна и за претстојната агенда во која ќе се отворат суштинските прашања, без кои не може да се замисли излезот од кризата низ која поминуваме. И тука, како на трака се редат прашањата за гасификацијата, која никако да стигне до компаниите; изедначување на условите за инвестирање на странските и на домашните компании; зголемување на средставата во Буџетот за Програмата Д4; проблемите со издавање на одобренијата за градба; парафискалните давачки; холдингот; решителна битка со сивата економија; отворен разговор со невладиниот сектор околу еколошките прашања; со медиумите околу сериозните напади врз бизнисот и големиот број празници кои значат само не работа во услови кога ни претстои општа мобилизација.

Но бизнисот, покрај што бара, нуди и експертска помош за надминување на овие проблеми, и сериозно учество во инвестициските активности, со отворање на голем број работни места. За таа цел, Стопанската комора на Северна Македонија, спроведе мини анкета меѓу своите членки.  Податоците од анкетата покажаа дека 91,1% од анкетираните компании планираат инвестиции воследните 12 месеци. Реализацијата на планираните инвестиции најмногу ќе придонесе зазголемена профитабилност (77,8%); зголемен промет (75,6%); отварање нови работни места (73,3%); зголемен извоз (55,6%) и зголемено производство (51,1%).

Планирани се две конференции во областа на образованието „Високото образование и бизнисот-заеднички предизвици и приоритети“ и „Синергија на партнерите во обезбедување пазарно - ориентирано стручно образование и обука“, сè во функција на вкупните активности меѓу бизнисот и министерството за образование и наука, а претстои и ревакцинација на бизнис заедницата во Србија, наредниот викенд.

Намалувањето на интензитетот на здравствената криза овозможи простор за непосредни контакти со компаниите, наши членки, на нивен терен. Минатиот петок, такви посети имав на компаниите „Раде Кончар ТЕП“ и „Раде Кончар Контактори и релеи“ и можам да кажам дека бев изненаден од напредокот на овие компании во услови на криза, бидејќи видов обезбедена работа, нови менаџерски тимови, проекции за развој и сериозни бројки кои зборуваат за успешноста на нивното работење. Не, дека нема проблеми, но тие се во рамките на барањата кои Стопанската комора на Северна Македонија, во моментов, ги разговара со Владата.



Новиот менаџмент на Раде Кончар Контактори и релеи во кој има спој на младост и искуство, но во кој има и завидни финансиски резултати, и во услови на криза. Една од нашите најстари членки, со која успешно ја продолжуваме соработката.

Утре, ќе ја посетам, една од најдобрите наши фирми, „Актива“ во Штип, иако од мојата последна посета не е поминато многу време.

П.С. Посебно изненадување за мене, е фактот дека нашите членки конечно се осмелуваат да ми предадат и документи за нивните апсурдни случувања со администрацијата, кои после деталните проверки, ќе ги изнесам во јавност.

Бранко Азески, Претседател на Стопанската комора на Северна Македонија

Можеби ќе ве интересира

ЛИТАР БЕНЗИН СТИГНА ДО 75 И 73 ДЕНАРИ, ДИЗЕЛОТ СКОКА ДРАМАТИЧНО НА 63,5 ДЕНАРИ ЗА ЛИТАР - еве по кои цени ќе точиме горива

ЛИТАР БЕНЗИН СТИГНА ДО 75 И 73 ДЕНАРИ, ДИЗЕЛОТ СКОКА ДРАМАТИЧНО НА 63,5 ДЕНАРИ ЗА ЛИТАР - еве по кои цени ќе точиме горива

ЕБОР и партнерите со поддршка на зелените инвестиции и бизнисите во Северна Македонија

ЕБОР и партнерите со поддршка на зелените инвестиции и бизнисите во Северна Македонија

До сега собрани 6,5 милиони евра од регистрација на возила со бугарски таблички

До сега собрани 6,5 милиони евра од регистрација на возила со бугарски таблички

ЦРНA ГОРА ИМА 58 МИЛИОНЕРИ! Најбогатиот од нив чува неверојатна сума пари во банка!

ЦРНA ГОРА ИМА 58 МИЛИОНЕРИ! Најбогатиот од нив чува неверојатна сума пари во банка!

Македонија, Србија и Албанија ќе имаат заедничка поштенска марка, но и една цена за услугите на пратки?

Македонија, Србија и Албанија ќе имаат заедничка поштенска марка, но и една цена за услугите на пратки?

Поради зголемувањето на јавниот ќе дојде време да не може да ги сервисираме долговите, смета Никола Поповски

Поради зголемувањето на јавниот ќе дојде време да не може да ги сервисираме долговите, смета Никола Поповски

Горан Трајановски ќе го пробива Телеком Србија на македонскиот пазар

Горан Трајановски ќе го пробива Телеком Србија на македонскиот пазар

„Фактор“ рангира: Колку пари прават најголемите компании чии акции се тргуваат на берзата?

„Фактор“ рангира: Колку пари прават најголемите компании чии акции се тргуваат на берзата?

ПРОСЕЧНАТА ПЛАТА ПОРАСНА, АМА МАЛКУМИНА СЕ НАД НЕА - само 35 отсто вработени имаат повеќе од просекот

ПРОСЕЧНАТА ПЛАТА ПОРАСНА, АМА МАЛКУМИНА СЕ НАД НЕА - само 35 отсто вработени имаат повеќе од просекот