ИВАНОВ НА ПОТЕГ: Дали до четврток ќе го потпише Законот за јазици?
Објавено во: Македонија 15 Јануари, 2018
Претседателот Ѓорге Иванов има рок до четврток на полноќ за да го потпише указот за прогласување на Законот за употреба на јазиците или истиот да го врати во Собранието.
Законот во Собранието е изгласан на 11 јануари, по што текстот е испратен до кабинетот на Иванов.
Од кабинетот на Иванов соопштија дека тој има седум дена за да одлучи дали ќе го потпише указот, а засега е неизивесно како ќе одлучи претседателот.
За време на неговото обраќање во Собранието тој рече дека овој закон е неуставен и дека претставува закана по унитарноста на државата.
Доколку Иванов одлучи да не го потпише Законот, тогаш тој се враќа во Собранието, каде што во рок од 30 дена повторно ќе биде разгледан во трето читање. Тогаш може да се поднесуваат амандмани само во врска со укажувањата на претседателот.
По повторното разгледување, доколку законот е усвоен, претседателот е должен да го потпише указот.
Овој закон поттикна бројни реакции. Од ВМРО-ДПМНЕ тврдат дека законот не е во согласност со Уставот. Група на еминентни професори меѓу кои и акад. проф. д-р Катица Ќулавкова, проф. д-р Гордана Силјановска Давкова, проф. д-р Симона Груевска-Маџоска, со отворено писмо до претседателот Иванов побараа тој да стави вето на новиот предлог закон за употреба на јазиците на граѓаните над 20% бидејќи сметаат дека е неуставен и дека ќе донесе многу лоши последици врз Македонија.Можеби ќе ве интересира
ФАКТОР НА ДЕНОТ: Таравари вели дека нема дефинитивен договор околу поделбата на ресори меѓу ВМРО – ДПМНЕ и „Вреди“
НАЈЧЕВСКА: Ситни и покрупни националисти ја прават Македонија анахроно место на живеење
ТАРАВАРИ: Колку министерства ќе води „Вреди“ е рано да се каже
МИЦКОСКИ: Ќе има прегласување во изборната единица 5, очекуваме уште еден пратеник таму
MИЦОТАКИС ДО СИЛЈАНОВСКА ДАВКОВА: Jа повикуваме новата претседателка да избегне слични незаконски и провокативни постапки
КРМОВ: ДПМНЕ со АПСОЛУТНО мнозинство НЕМА да го раководи Собранието!
ЛИДЕРОТ НА СИРИЗА ДО МИЦОТАКИС: Ако сметате дека Договорот од Преспа е предавнички, еве ви шанса да го поништите
„ВРЕДИ“ НА СРЕДБА СО КУРТИ: Загрижувачко е руското и српското влијание
ЦУК ЗА СОСТОЈБАТА ВО ОХРИД: Има поплавени подруми и гаража
