Истанбул ќе добие 66 километарска метро линија
Објавено во: Балкан, Стил 05 Септември, 2016
Властите во Истанбул ќе изградат 66-километарска линија на метрото, која ќе ги поврзува градот и новиот аеродром на брегот на Црното Море, објави весникот „Хуриет".
Третиот меѓународен аеродром во Истанбул се гради од 2014 година и треба да биде завршен во 2018 година. Аеродромот ќе има шест писти за полетување и слетување. Метро линијата ќе има 13 постојки, од кои две ќе бидат до новиот аеродром. Оваа 66-километарска метро линија ќе поминува низ 6 истанбулски области. Вредноста на проектот е 4,85 милијарди турски лири. Патниците ќе се движат до новиот аеродром за 30 минути.