Добивај вести на Viber
Ако денес видите дека некој игра "Minesweeper" или "Solitaire" веројатно нема конекција на интернет, но претходно овие игри биле неизоставен дел од "работата" на компјутерот. Речиси да нема човек кој во тоа време имал компјутер, а да не го "убивал" времето играјќи мини или карти.
Доколку сте мислеле дека тие сè уште се наоѓаат на компјутерите ширум светот само поради својата едноставност, или можеби поради опседнатоста на некој компјутерски инженер, се лажете.Веб страната Mental Floss наведува дека зад овие видео игри се наоѓа план на "Microsoft" за едукација на своите корисници.
"Solitaire", познатата игра со сложување на карти, се појавила во 1990. година. Вистинската цел на оваа игра била своите корисници да ги навикне како да користат "маус", поточно "drag and drop" функцијата.
"Minesweeper" била објавена во 1992. година, а исто така имала за цел да ги навикне корисниците на маусот, но овој пат за употреба на лев и десен клик, несвесно учејќи ги луѓето за значењето на тие функции.
Дури и "Windows 10" според споменатата веб страна, малку го "дотерал" славниот "Solitaire", за да ги навикне корисниците на корисниците на користење на "Windows" продавницата, од каде може да се инсталира оваа игра во компјутерот.
K.K.