Добивај вести на Viber
Хрватската економија се зголеми во четвртиот квартал од минатата година за 1,9 отсто на годишно ниво, што беше побавен раст во однос на претходниот квартал и пониско од очекуваното.
Државниот завод за статистика ја објави првата проценка, според која бруто-домашниот производ во последниот квартал се зголеми за 1,9 отсто во споредба со истиот период во 2014 година.
Ова е веќе петти последователен квартал во кој БДП расте, но побавно отколку во минатото.
Домашната побарувачка позитивно влијаеше на растот на БДП. Потрошувачката на домаќинствата се зголеми во четвртиот квартал од 2,4 проценти на годишно ниво. Ова е побрзо отколку во претходниот квартал кога изнесуваше 1,4 проценти.
Извозот на стоки и на услуги забележа зголемување во претходниот квартал за 11,6 отсто во споредба со истиот период минатата година.
Инвестициите во основни средства се зголемени за 3,7 проценти на годишно ниво, многу побрзо од 2,2 проценти во претходниот квартал.
Владата на Хрватска во 2016 година очекува раст на БДП од 2 проценти.