Груевски спасен од попрскување со спреј, напаѓачот притворен
Објавено во: Македонија 06 Октомври, 2017
За време на вчерашниот митинг на ВМРО-ДПМНЕ во општина Центар бил извршен обид за напад на лидерот на опозицијата Никола Груевски додека држел говор. Маж на 36 годишна возраст се упатил кон бината и се обидел да го испрска Никола Груевски со спреј.
МВР го потврди инцидентот и оттаму велат дека околу 21.55 часот е приведен 36-годишен маж со иницијали Р.Р.
Според очевидци, додека Груевски зборувал, граѓанинот се обидел да се качи на бината, но бил запрен од обезбедувањето и тој тогаш се обидел нив да ги испрска со спреј. Најверојатно станува збор за популарно наречен „пепер“ спреј кој се користи за самоодбрана.
Дваесетина минути подоцна во полициската станица Центар дошол 29-годишниот Д.Г., кој пријавил дека додека присуствувал на митингот бил испраскан со спреј од лицето Р.Р.