Добивај вести на Viber
Грција почна да враќа 308 мигранти кон Турција, изјави портпаролот на Европската комисија, Маргаритис Скинас.
Мигрантите се од мароканско, алжирски и туниски потекло и не се опфатени со барањата за добивање на бегалски статус во ЕУ. Нив Атина одбила да им обезбеди дозвола за престој.
Мигрантите ќе ги превезат назад во Турција, од каде дошле. Понатаму ќе престојуваат во државни центри за сместување во Турција, од каде подоцна ќе бидат депортирани во матичните земји.
Олеснувањето на процедурите за реадмисија беше поставена како основен услов за Анкара на крајот на 2015 година, кога Брисел се заложи да ја финансира Турција со 3 милијарди евра, ако властите во Турција го ограничат протокот на бегалци кон Европа.
Од 1 јуни годинава треба да се активираат и клаузулите кои се однесуваат за државјани на трети земји, со што ќе може договорот да ги опфати и депортациите на лицата за кои Турција е транзитна држава на патот кон ЕУ.