Добивај вести на Viber
Доцна синоќа владата во Атина се договорила со пратениците од кредиторската тројка( ЕУ, ЕЦБ и ММФ) за пакетот нови мерки за штедење во износ од 13,5 милијарди евра. Тоа се случило по долги телефонски разговори меѓу тројцата коалициски партнери - премиерот Андонис Самарас и лидерите на другите две партии во владејачката коалиција - Евангелос Венизелос од ПАСОК и Фотис Кувелис од Демократската левица ДИМАР.
Само пред неколку дена министерот за финансии Јанис Стурнарас призна дека е малку веројатно преговорите за новиот пакет мерки за штедење, од кој зависи доделувањето на следната транша од меѓународната финансиска помош, да завршат навреме за самитот на ЕУ.
Премиерот Андонис Самарас утре ќе оди на самитот на Европскиот совет во Брисел со надеж дека ќе постигне две основни цели; ќе обезбеди исплата на следната транша од 31.5 милијарди евра во ноември и ќе добие одложување за враќање на грчкиот долг, пренесува агенцијата БТА.