Добивај вести на Viber
Грција сака да ја продаде или даде под закуп својата најголемата рафинерија и двете најголеми пристаништа, за да успее да го исплати долгот и да ја добие следната транша од меѓународната финансиска помош. Зделките ќе бидат дел од вториот бран на приватизација, а треба да завршат до2013 година. Јавноста е во очекување на новите тендери.
Најголеми се планираните тендери за продажба на удели во рафинеријата „Хеленик Петролеум“, во двете најголеми пристаништа во Пиреја и Солун , но и на втората по големина компанија за снабдување со вода „Солун водовод“ и за „Ларко“, еден од најголемите светски производители на никел. Се бара инвеститор и за најголемиот грчки аеродром во Атина, за автопатот „Игнација“, како и за мали регионални аеродроми и пристаништа.
Според планот за враќање на долгот потпишан со ЕУ и ММФ, Атина треба да собере 19 милијарди евра до крајот на 2015 година и околу 50 милијарди евра до 2020. Голем дел од парите се собираат со продажба и приватизацијата на државен имот.