Гори и во близина на граничниот премин Богородица
Објавено во: Македонија 03 Август, 2021
Oгнената стихија зема замав во различни краеви. Нов пожар има во Македонија, овој пат во јужниот дел близу Грција. Пожар изби во близина на граничниот премин Богородица.
Од околу 14 часот гори и борова шума непосредно над едно од тамошните познати казина, во чија близина има и бензиска пумпа. Екипи на ТППЕ Гевгелија и ЈПКД „Комуналец“ се излезени на лице место и се обидуваат да го изгаснат пожарот кој ја зафати и боровата шума.
Пожари има на повеќе локации во Македонија. Гори во кочанско, кумановско, делчевско, пехчевско.Само во кочанско изгореа 250 хектари шума, а има и материјални штети. Земји од регионот ќе помогнат за справување со пожарите.