(ФОТО) ЗОШТО ДОАЃААТ: Ова српско село е „мамец“ за странци
Објавено во: Балкан 25 Август, 2017
Живееле во Париз и работеле просечни занимања, таа во пицерија, а тој во продавница за здрава храна по што се решиле да тргнат на едно необично патување.
Сакале да поминат време на село така што ќе волонтираат на фарма, ќе имаат бесплатно сместување, за да научат нешто и на крај да можат да се преселат на село.
Оваа авантура ја почнале Французинот Лоика Саштанола и девојката од Полска, Алескандра Позимковска.
Тие биле во Брач, Шибеник, Крка, Задар, Скопје, Котор, Будва, Скадар, Косово и сето тоа со авто стоп.
По Македонија и Албанија се вратиле во Копривница кај Бања Лука каде биле во расадник со лаванда.
Тие две седмици поминале во околината на Гуча.
„Тие имаат неколку хектари земја, а највеќе малини. Бербата е во јули, а затоа што ние стигнавме малку доцна, се занимававме со сечење на дрвја во шумата и подготовка за зима. Работевме во бавча и помагавме во секојдневни активности“- вели Позимковска.
Од престојот во Србија се презадоволни, а најмногу им се допаднале пејзажите и љубезните луѓе.