ФОКУС НА ДЕНОТ: Подигнато знамето на НАТО, братот на Мира Стојчевска вработен во ЕЛЕМ
Објавено во: Македонија 12 Февруари, 2019
На платото пред Владата по повод свеченото кревање на знамето на НАТО присуствуваа голем број на лица од јавниот политички живот, меѓу кои и поранешните премиери Љубчо Георгиевски и Владо Бучковски. Меѓу нив беше и актуелниот пратеник Амди Бајрам.
Церемонијата ја следеа речиси сите министри, а во првиот ред беа вицепремиерите Кочо Анѓушев, Радмила Шеќеринска, Бујар Османи, Оливер Спасовски. Таму е и Стево Пендаровски. Говорот на премиерот Зоран Заев го следеше и гувернерката на НБРМ Анита Ангеловска Бежоска.
Да живее европска Република Северна Македонија, да живее Европа, да живее НАТО, рече на крајот од својот говор македонскиот премиер Зоран Заев на денешната свечена церемонија пред македонската Влада по подигнувањето на знамето на НАТО заедно со државното.
„Ние не веруваме во приказните за распаѓање на Европската унија, ние ја гледаме како најсилна. Ние припаѓаме таму и историски и политички. Пред нас е голема работа што треба да се заврши. Брисел нема да ни гледа низ прсти. Не очекувам попустливост од ЕУ. Некогаш ќе ни се бара и влакно во јајцето. Извршувањето на поглавјата има значење на директив. Нема да стасаме до Европа ако не работиме. А на Европа имаме што да и понудиме....мултикултура, соработка, наука“, истакна Заев во свечениот говор пред голем број на домашни гости од политичкиот и општествениот живот.
Преку НАТО ќе се реализира членството во ЕУ, смета Заев, а најголемата вредност што ќе биде извлечена ќе бидат еднаквите шанси за сите и правдата. Ја повика и опозицијата на заедничка соработка на патот кон зачленувањето.Претседателот Ѓорѓе Иванов ја доби поканата да присуствува на церемонијата за поставувањето на НАТО знамето пред Владата откако настанот заврши, изјавија од кабинетот на Иванов за Фактор.
Оттаму велат дека затоа претседателот на присуствувал на настанот. Претходно од Владата изјавија дека го поканиле претседателот и по курир и електронски.По објавувањето на штурата информација дека братот на пратеничката Мира Стојчевска е нововработен во АД ЕЛЕМ, веднаш по потврдата дека и нејзиниот син Виктор Стојчевски е ангажиран во компанијата, „Фактор“ дознава дека станува збор за Целе Велевски.
Тој од вчера е вработен со договор во подружницата РЕК Битола преку агенција за вработување. Неговиот договор со Електрани на Македонија е до 27 април.Можеби ќе ве интересира
ФАКТОР НА ДЕНОТ: Мицкоски вели дека ВМРО-ДПМНЕ има 61 пратеник
ГРЧКИ МЕДИУМИ: Идниот премиер на Северна Македонија ја следи линијата на Силјановска Давкова
ТОШКОВСКИ: Mакедонската јавност во наредниот период ќе види многу интересни случаи
МИЦКОСКИ ДО ГРЦИЈА: Ако тие мислат дека ние сме го прекршиле договорот тогаш постои Меѓународен суд за правда
MИЦКОСКИ: Покрај 58 пратеници на коалицијата, имаме консолидирано точно 61 пратеник
ДИМОВСКИ РАСПАЛИ ЗА ЕУ И МИЦОТАКИС: ЕУ бара од нас да веруваме во нејзината посветеност за брзо пристапување на регионот во ЕУ?Чудно, нели?
УТРОВО ПОСТАР АДВОКАТ ПОЧИНАЛ ВО ГРАЃАНСКИОТ СУД - Митровски: Ова е стресна професија која секојдневно зема данок
ВРЕДИ СО ТУЖБА ДО УПРАВНИОТ СУД ПРОТИВ ОДЛУКАТА НА ДИК: и ДУИ најавува за сите седум места каде е поништено гласање
