ФАКТОР НА ДЕНОТ: Заев и Ахмети постигнаа договор, ДУИ на крајот од мандатот сто дена ќе има премиер

Добивај вести на Viber

ПОСТИГНАТ Е ДОГОВОР ЗА ВЛАДА

Лидерот на СДСМ, Зоран Заев по средбата со претседателот на ДУИ, Али Ахмети изјави дека e постигнат договор за новата Влада. 

Кажа дека тој ќе биде премиер и ќе ја води Владата. 

Заев рече дека оваа Влада ќе работи посветено за интересите на граѓаните и државата. 

„Јас сум особено горд што овој договор го постигнуваме на самиот почеток на истекот на 20-те денови кои јас ги имам на располагање како мандатар“, вели Заев. 

Ќе се водат од принципите за еднакво општество за сите и родова рамноправност. 

Ќе се борат против криминал и корупција, но и ќе настојуваат да се намалат привилегиите на функционерите. 

Ќе се укине Пржинската Влада, преку измени на законот. 

Лидерот на ДУИ, Али Ахмети денеска изјави дека што поскоро мора да се конституираат институциите на државата. 

Вели дека денешната одлука ќе биде поздравена од сите граѓани. 

СЕ МЕНУВА ПРОТОКОЛОТ ЗА ИЗОЛАЦИЈА

Во текот на оваа недела Комисијата за заразни болести ќе го стави на дневен ред прашањето за промена на алгоритмот за корона вирусот, односно ќе разговараат за евентуално намалување на деновите што треба да се минат во изолација откако пациентите ќе го прележат заболувањето. 

За Фактор појаснуваат дека веќе сега, во август имаат сосема нови сознанија за Ковид-19 кои претходно, односно до јуни,-јули не ги знаеле, зааради што можено е пациентите откако ќе ја прележат болеста да не мора толку долго да бидат во изолација.

Има нов протокол за изолација, при што нема да бидат потребни контролни тестирања. 

Позитивните се ослободуваат од изолација без контролни тестирања. 

Анализите покажале дека детектираните вируси во контролните брисеви не може да предизвикаат нова инфекција. 

НОВИ 130 ЗАРАЗЕНИ ОД КОРОНАВИРУСОТ

Министерството за здравство информира дека во последните 24 часа се направени 1.742 тестирања, а регистрирани се 130 нови случаи на ковид-19 во: Скопје-40, Куманово-6, Штип-13, Прилеп-5, Тетово-13, Струга-4, Битола-3, Охрид-6, Кавадарци-2, Гостивар-18, Струмица-1, Пробиштип-2, Берово-1, Виница-5, Делчево-4 и Кичево-7.

Денеска Институтот за јавно здравје регистрира 152 оздравени пациенти од: Скопје-87, Куманово-18, Штип-14, Прилеп-2, Тетово-6, Битола-4, Гостивар-9, Македонски Брод-1, Кичево-5 и Ресен-6.

ДО 3 ОДДЕЛЕНИЕ ЌЕ ОДАТ НА НАСТАВА, ДРУГИТЕ ЌЕ УЧАТ ОНЛАЈН

Новата учебна година треба да почне, но со електронска комуникација, најави министерот за образование, Арбр Адеми. 

Вели дека само децата од 1 до 3 одделение  со физичко присуство ќе следат настава во училиште. Другите ќе учат онлајн. 

Втор исклучок ќе има и ќе се дава согласност за организирање на настава со физичко присуство онаму каде има многу мал број ученици, но и тука е потребна согласност од родителите. 

НЕФИ УСЕИНИ ПРЕДИЗВИКАЛ ИНЦИДЕНТ

Нефи Усеини, советникот во Општина Охрид, познат во јавноста по своите дивоградби и испади, со пиштол го нападнал извесниот Спире Топалоски во охридски хотел, мавајќи го по глава со рачката заедно со уште неколкумина пред неговиот 14-годишен син.

Членот на ДУИ е пријавен и во полициска станица, дознава „А1он“,а инцидентот се случил утрово. 

ЧИТАЈТЕ УШТЕ

Десетина занаети исчезнаа во рок од една деценија, а на уште толку им се заканува исчезнување во иднина.

Ја искористија ли можноста некои домашни компании да продадат повеќе од своите производи и да ги зголемат приходите од почетокот на јуни досега преку проектот „домашна платежна картичка“.

На УНИ Банка во корона време се и оди од рака. Добивката, која порасна за 29 отсто, е генерирана од раст на нето приходите од камати, раст на останатите приходи и раст на нето приходите од курсни разлики. 

Последниот финансиски извештај што го објавила јавно Еуростандард банка на Берзата е оној што е однесува за работењето во 2018 година. Тој извештај бил презентиран пред јавноста во јули минатата година.

Според нашите информации, во новата влада, Министерството за внатрешни работи ќе го раководи кадар на СДСМ повторно, односно овој ресор останува кај поголемиот коалиционен партнер. 

Во ГОБ „8 Септември“ како најголем Ковид центар во земјата ја нема повеќе онаа бројка од 170 тешко болни пациенти.