ФАКТОР НА ДЕНОТ: За празникот во карантин, денес уште четири жртви на коронавирусот

Добивај вести на Viber

ЗА ПРАЗНИКОТ МАКЕДОНИЈА ЌЕ БИДЕ ВО КАРАНТИН

Полицискиот час ќе да почнува од сабота од 19 часот и ќе трае до вторник до 5 часот наутро. Предлогот е поради престојниот продолжен викенд и празникот Бајрам. Понеделник е неработен ден за сите граѓани.

Кафулињата ќе се отворат во вторник, следната недела, односно на 26 мај. Нема детали до колку ќе биде полицискиот час од тој ден.

ДЕНЕС ЧЕТИРИ ЖРТВИ НА КОВИД - 19

Денеска Институтот за јавно здравје регистрира 16 оздравени пациенти, а во изминатите 24 часа направени се 512 тестирања, од кои 19 нови случаи на ковид-19. Починати се четворица пациенти, информира Министерството за здравство.

Од вкупниот број направени тестови во изминатото деноноќие 223 теста се во рамките на скринингот во градинки и нема позитивни. Од досега направените 1131 тестирања на вработените во градинките потврден е само еден позитивен случај на ковид-19 во Битола.

Во ГОБ „8 септември“ почина пациентка од Скопје која имала 65 години примена на 11 мај, но и пациент од Скопје кој имал 71 години хоспитализиран на 16 мај и пациент од Тетово - 73 години во болница од 11 мај. 

ТЕТОВО НОВО ЖАРИШТЕ

Тетово и околината имаат најголем број активни случаи на коронавирус, веднаш зад главниот град. 

Има 25 активни кластери во Тетово и Боговиње.

ГРЦИЈА ЌЕ ТЕСТИРА ТУРИСТИ ПО СЛУЧАЕН ИЗБОР 

Соседна Грција ќе ги тестира туристите по случаен избор. 

Туристичкиот период почнува на 15 јуни, датум кога може да се отворат сезонските хотели, а од 1 јули, постепено ќе започнат директните летови од странство. 

ЧИТАЈТЕ УШТЕ

Податоците кои ги објави Евростат покажуваат дека во Европа, луѓето практикуваат учење преку онлајн курсеви со цел да го зголемат своето знаење.

Да ме прашавте пред неколку месеци дали ваква пандемија може да го промени начинот на живот, сигурно ќе одговорев со не. Но, оваа пандемија покажа колку како луѓе сме мали и колку треба да бидеме внимателни кон природата. 

Ова во интервју за Фактор го говори Михаел Солтер, генерален директор на Филип Морис ТКП. 

Иако имаше најави дека ќе го среди хаосот со екстралесното масло за домаќинство (ЕЛ-1), државата се уште тактизира и остава ова гориво да се користи како погонско односно да се употребува како дизел. 

Владата да обезбеди директна финансиска поддршка на големите извозни компании и да им додели неповратна помош односно грантови, бараат странските инвеститори во земјава.

Клиничката болница „Аџибадем Систина“ е единствена болница во земјава во која се изведуваат три типа тестови за коронавирус, вели во интервју за Фактор, Ѓун Ѓунсој, главниот извршен директор на болницата.