Грција сепак ќе тестира туристи, но по случаен избор
Објавено во: Балкан, Корона Вирус 20 Мај, 2020
Соседна Грција ќе ги тестира туристите по случаен избор.
Туристичкиот период почнува на 15 јуни, датум кога може да се отворат сезонските хотели, а од 1 јули, постепено ќе започнат директните летови од странство.
Ова го соопшти грчкиот премиер Кирјакос Мицотакис во видео пораката до јавноста во делот посветен на туризмот, јави дописничката на МИА од Атина.
„На нашите посетители ќе им се прават тестови по случаен избор и ќе се почитуваат нашите општи здравствени протоколи кои сепак, нема да го засенат, ниту нашето сјајно сонце, ниту природната убавина на Грција“ – рече Мицотакис.
Грција подготви посебен план за развој на туризмот во услови на пандемија со Ковид-19.
Сите кои планираат да летуваат во Грција, оваа година ќе поминат поевтино.
Цените во хотелите и рестораните се намалуваат.