ФАКТОР НА ДЕНОТ: Вработените во Национални шуми штрајкуваа, во меѓувреме не стивнуваат реакциите за Сребреница

Добивај вести на Viber

НЕ СТИВНУВААТ РЕАКЦИИТЕ ЗА РЕЗОЛУЦИЈАТА ЗА СРЕБРЕНИЦА

Министерот за надворешни работи Бујар Османи изјави дека е изненаден од реакциите по објавата дека Република Северна Македонија е меѓу 17 држави кои ја коспонзорираа Резолуцијата на Обединетите нации за прогласување на 11 јули за меѓународен ден за сеќавање на геноцидот во Сребреница од 1995 година.

ШТРАЈКУВАА ВРАБОТЕНИТЕ ВО НАЦИОНАЛНИ ШУМИ

Сојузот на синдикати на Македонија (ССМ) апелира менаџментот на ЈП „Национални шуми“ и Владата да не поигруваат со судбината на 1.800-те вработени во јавното претпријатие и да им обезбедат плата во спротивно најавува радикализирање на протестот и негово префрлање пред Владата.

- Денес 30 подружници од цела Република се собраа пред ЈП „Национални шуми“ да го изразат своето раководство бидејќи втор месец немаат плата. Не се проблем само платите, туку и теренскиот додаток што не е исплатен, а се тераат луѓето да одат на работа. Во меѓувреме во претпријатието има штрајк, луѓето се на своите работни места и не ги извршуваат задачите, бидејќи се гневни на менаџментот, директорот и нивните раководители, како и на сите претставници од власта зашто сите земаат за 80 отсто зголемени плати, а тие втор месец не земаат. Веќе третиот месец тече и доколку денеска има една исплатена плата повторно ќе немаат здравствен осигурување - изјави претседателот на Синдикатот за градежништво, индустрија и проектирање (СГИП) Иван Пешевски на денешниот протест пред дирекцијата на ЈП „Национални шуми“ и додаде дека целиот проблем е во претставниците на власта и на менаџментот.

МИНИСТЕРКАТА ЗА КУЛТУРА ЌЕ ЈА ТУЖИ ДАНЕЛА АРСОВСКА

Министерката за култура Бисера Костадиновска - Стојчевска ќе ја тужи градоначалничката на Скопје, Данела Арсовска, откако вчера изјави дека таа „не го пријавила пожарот во Универзална сала, иако знаела за тоа“.

Арсовска ќе добие кривична пријава за клевета најави министерката Костадиновска-Стојчевска, а причина за тоа се, како што денеска рече на прес-конференцијата, инсинуациите и небулозите дека „знаела за пожарот, но не пријавила веднаш“.

Арсовска вчера рече дека Костадиновска-Стојчевска пред јавноста изјавила дека добила информација дека гори Универзална сала пред 9.00 часот, а пожарот бил пријавен од случаен минувач во 9.55.

Во релативно краток рок во Македонија започнаа со работа двете големи класични казина во кои рачно се делат карти со крупие. Од минатиот викенд официјално започна со работа „Адмирал Казино“ во хотелот „Лимак“ во Скопје, а од оваа недела вратите ги отвори и „Апекс“ во хотелот „Луксор“ кај граничниот премин Блаце.

Имаат ли причина за задоволство акционерите на скопската фабрика за чоколади „Европа“. Стигна одлуката на раководството што тие ја очекуваа и за која ќе треба да се гласа на Собранието на акционери кое ќе се одржи на 15 мај оваа година, а тоа е како ќе се распредели добивката остварена во минатата година.

Бригадниот генерал Рем Аминоах, поранешен висок функционер на една од двете компании, кои ја создадоа непробојната израелска „Железна купола“ (систем за противвоздушна одбрана н.з.) проценил дека за да ги запре иранските проектили „Железната купола“ потрошила до пет милијарди шекели (околу една милијарда евра)