ФАКТОР НА ДЕНОТ: Мицкоски повика на обединување, Апасиев е контра
Објавено во: Македонија 19 Април, 2024
МИЦКОСКИ ПОВИКА НА ОБЕДИНУВАЊЕ, АПАСИЕВ Е КОНТРА
Претседателот на Левица, Димитар Апасиев, порача дека жестокоста во критиката не смее да попушти откако синоќа лидерот на ВМРО-ДПМНЕ, Христијан Мицкоски, обзнани мораториум на вербалните напади кон Левица и кон Движењето ЗНАМ.
„Не верувај им на ДПМНЕјците, дури и кога ти носат подароци. Термометарот на жестокоста во критиката не смее да се спушти ниту за степен!“, пишува Апасиев на Фејсбук.
Мицкоски синоќа од Охрид порача дека нема да ги напаѓа Левица и ЗНАМ.БОШЊАЦИТЕ МУ ПОДНЕСОА ПРИЈАВА НА СТОИЉКОВИЌ ЗА СРЕБРЕНИЦА
Кривична пријава е поднесена против Иван Стоиљковиќ, претседател на Демократската партија на Србите во Македонија, поради зборовите кои ги употреби за геноцидот во Сребреница.
Политичката партија Бошњачки демократски сојуз (БДС) и Бошњачки национален совет (БНС) денеска поднесоа кривична пријава против Иван Стоилковиќ, за негирање и исмејување со геноцидот во Сребреница.
Пријавата е во врска со изјавата на Стоилковиќ, по одлуката на Министерството за надворешни работи за коспонзорирање на Резолуција на Обединетите Нации за прогласување на 11 јули за Меѓународен ден за сеќавање на геноцидот во Сребреница, при што, како што наведуваат, геноцидот го нарекол „некрофилски дизниленд“. Велат дека ваквиот говор на омраза е недозволен.БОКИ 13 БАРА ДА СЕ РАСЧИСТИ СЛУЧАЈОТ РЕКЕТ
Бојан Јовановски, шоуменот чија затворска казна за „Рекет“ е во прекин, денеска пред Основниот кривичен суд во Скопје побара да се расчисти случајот до крај.Боки 13 рече дека поднесува нови докази и ново вештачење од неговиот мобилен телефон.
- Целиот случај „Рекет“ не е расчистен и на јавноста не и е јасно што се случувало. Барам повторно шанса да ја докажам својата невиност, рече Јовановски пред медиумите кои ги повика.
Тој алудираше на тоа дека не ги потрошил парите дадени од бизнисменот Јордан Камчев и дека, како што рече, поранешната обвинителка во случајот Вилма Русковска самата има наведено повеќе верзии за тоа каде завршиле 1,5-те милиони евра.ЧИТАЈТЕ УШТЕ
Ланската добивка е послаба од онаа во претходната година. Но дивиденда за акционерите сепак ќе има.
фото Фејсбук ВМРО-ДПМНЕ