ФАКТОР НА ДЕНОТ: Maкедонија бележи 1.161 нови заразени, а меѓу жртвите има двајца млади луѓе

Добивај вести на Viber

ПОЧИНАА ЛУЃЕ НА ВОЗРАСТ ОД 30 И 35 ГОДИНИ ОД КОРОНАВИРУСОТ

Министерството за здравство информира дека во последните 24 часа се направени 3114 тестирања, а регистрирани се 1161 нови случаи на ковид-19 во: Скопје-410, Куманово-54, Дебар-19, Штип-54, Прилеп-59, Тетово-58, Струга-25, Велес-55, Битола-75, Охрид-51, Кавадарци-55, Гостивар-38, Гевгелија-38, Струмица-27, Крива Паланка-10, Радовиш-14, Крушево-1, Кочани-28, Пробиштип-7, Демир Хисар-3, Македонски Брод-2, Пехчево-1, Берово-1, Валандово-5, Виница-2, Делчево-5, Кратово-3, Свети Николе-18, Кичево-12, Ресен-7, Неготино-24. 

Денеска Институтот за јавно здравје регистрира 806 оздравени пациенти од: Скопје-295, Куманово-34, Дебар-4, Штип-20, Прилеп-49,  Тетово-45, Струга-25, Велес-29, Битола-62, Охрид-33, Кавадарци-18, Гостивар-41, Гевгелија-15, Струмица-22, Крива Паланка-8, Радовиш-3, Крушево-3, Кочани-14, Пробиштип-7, Демир Хисар-2, Македонски Брод-2, Пехчево-1, Берово-9, Валандово-4, Виница-4, Кратово-1, Свети Николе-7, Кичево-14, Ресен-16 и Неготино-19.

И ДЕНЕС ПОРАКИ ОД БУГАРИЈА ПО ВЕТОТО

Бугарската министерка за надворешни работи, Екатерина Захариева вели дека клучен фактор за ветото и најголем проблем во односите меѓу двете земји е неисполнувањето на Договорот за добрососедство.

Објасни дека едностраното прекинување на работата на историската комисија, антибугарската реторика и сопките за бугарските инвеститори се  причина за незадоволство. 

„Во тој Договор исто така, има текст за едностраните обврски за Македонија за тоа дека нема да има никакви претензии за македонското, т.н македонско малцинство во Бугарија”, рече таа. 

За да најдеме решение, мора да се вратиме на Договорот за пријателство и добрососедство, вели европратеникот и известувач на Европскиот парламенет за Северна Македонија, Илхан Ќучук во интервју за Бугарското национално радио (БНР).

Во Бугарија има иницијатива да се одзема државјанство на оние македонски граѓани кои земале бугарски пасоши. 

СУДИЈАТА ОБЈАСНИ ЗОШТО МАНДИЌ ДОБИЛА КУЌЕН ПРИТВОР

Судијата по претходна постапка Ненад Савески за МИА изјави дека наместо притвор по барањето на Обвинителството, одредил само куќен притвор за поранешната заменик-претседателка на „Меѓународен сојуз“, Јасна Мандиќ, поради како што вели тој, нејзината материјална и семејна состојба.

Обвинетата Мандиќ, инаку поранешна соработничка на Бојан Јовановски, на вчерашното рочиште тврдеше дека советникот на Зоран Заев, Зоран Башановиќ, ургирал кај премиерот таа да не оди во притвор како осомничена во случајот, покажувајќи електронска порака.

ЗА 10 ГОДИНИ НАД 65.000 МАКЕДОНСКИ ГРАЃАНИ ДОБИЛЕ БУГАРСКИ ПАСОШИ

65.675 граѓани на Република] Северна Македонија се стекнале со Бугарско државјанство со декрет на потпретседателот за последните 10 години. Овие податоци ги изнесе министерката за правда на Бугарија, Десислава Ахладова, на пратеничко прашање во бугарскиот парламент.

НАПРАВЕНА Е АНКЕТА ЗА ВАКЦИНАТА ЗА КОРОНАВИРУСОТ

Според извештајот од регионалната анкета на Глобсек спроведена во девет земји од  Источна Европа, повеќе од една третина од испитаниците веруваат во конспиративни теории поврзани со КОВИД-19. Конспиративните теории имаат најголемо влијание во земјите од Западен Балкан.

ЧИТАЈТЕ УШТЕ

Нов момент во нашата 25 годишна корпоративна историја : околу 1.500 домашни физички лица – мали акционери во ФЗЦ „11 Октомври“ идниот петок ќе одлучуваат за зделка вредна 50 милиони евра во која се вклучени ФЗЦ и нивниот најголем акционер Тони Каранфиловски преку три семејни фирми од кои две се акционери и во ФЗЦ поседуваат речиси 60 отсто од акциите

Директорите и управителите на државните институции, агенции, фондови, јавни установи и јавни претпријатија, општините и акционерски друштва во државна сопственост ќе бидат казнети со 2.000 евра доколку не им дадат работни задачи на „рамковно“ вработените административци, според-предлог законот кој влезе во Собранието а ќе се носи по брза постапка.

Власта со закон ќе регулира дека дуќаните, маркетите и другите малопродажни објекти, ќе мора да воспоставуваат ред и дисциплина пред своите објекти, со цел да не се создава метеж и да се спречи ширењето на ковид 19 меѓу населението. Во спротивно ќе ризикуваат високи казни.

Последната млада жртва на корона вирусот, 22-годишната родилка од Скопје која почина вчера, пред да биде примена на Клиниката за гинекологија и акушерство, претходно два пати одбивала да биде хоспитализирана во оваа здравствена институција. 

Во моментов на јавна сцена се случува жестока вербална војна на релација оштетени штедачи и газди на пропаднатата Еуростандард банка.

Брзината на економското заздравување ќе зависи од брзината на запирање на пандемијата. Во тој контекст, очекувам постепено нормализирање на здравствената состојба во развиените земји, како главни пазари за македонскиот извоз, и како резултат на тоа зголемување на оптимизмот и личната потрошувачка, вели во интервју за Фактор, Зоран Јовановски, советник на Управниот одбор на Стопанската комора на Македонија.