ЕУ планира да го централизира системот за азил
Објавено во: Балкан 07 Март, 2016
Брисел ќе предложи централизирање на системот за азил во Европската унија (ЕУ), како дел од радикалната промена на политиката за бегалците во одговор на невиденa имиграцискa криза, пишува „Financial Times“, повикувајќи се на документ на Европската комисија (ЕК), со кој располага.
ЕК истражуваат како може да се променат правилата на блокот за азил, откако системот практично го блокираше минатата година поради поднесените над 1,3 милиони молби.
Во моментов сегашниот систем предвидува барателите на азил да поднесуваат барање во првата земја од блокот во која влезат. Тоа сепак енормно ќе го зголеми притисокот врз Грција и Италија.
Падот за Договорот од Даблин сепак дојде во моментот кога канцеларката на Германија Ангела Меркел одлучи да не го почитува договорот, што предизвика бран бегалци кон нејзината земја.
ЕК предвидува да предложи формирање на посебно биро, кое ќе ја преземе одговорноста за сите прашања за азил. Специјалната институција ќе дава совети на националните влади и практично ќе функционира како федерална агенција која ќе ги процесуира сите барања за азил. Сепак, тоа би значело признавање на уште суверенитет на Брисел и промена на Договорот за ЕУ, наведува весникот.
Велика Британија сепак може и да не се приклучи на новиот систем, бидејќи за неа дејствува исклучок на правните и внатрешните прашања, уште повеќе, дека Лондон се бори за друг исклучок од правилата за да се и овозможи на Владата да префрли 12 илјади лица кон другите држави од ЕУ.
ЕК ќе предложи и две варијанти за распределба на бегалците. Првата предвидува бегалците да се делат меѓу државите од ЕУ на принцип на квоти, без разлика каде пристигнале прво, а втората - да се задржи статус кво и да се продолжи со распределба на квоти на луѓе од земјите кои се најтешко погодени од бегалскиот бран.
Во меѓувреме НАТО, Турција и Грција успеаја да се договорат за операцијата на Алијансата во Егејското Море, јави Ројтерс.
НАТО одлучи да ја започне мисијата за набљудување и задржување на мигранти во Егејското Море на 11 февруари, кога се одржа седницата на министрите за одбрана на земјите од ЕУ, потсетува новинската агенција.
Договорот не само што ќе му овозможи на НАТО да оперира во меѓународни води, но и во грчки и турски територијални води. Тоа е клучно за да може бродовите да ги набљудуваат најкористените патишта од имигрантите.
Не е јасно, меѓутоа колку оваа операција би влијаела за намалувањето на имигрантскиот поток кон Европа, бидејќи бродовите на Алијансата ќе пренесуваат податоци за чамци на бегалците до крајбрежната стража на Турција и Грција. Бродовите на НАТО нема да можат да ги задржат чамците, а само да спасуваат бегалци, кои се во опасност поради инциденти во морето. Спасените бродовите од Алијансата ќе бидат вратени назад во Турција.
НАТО и граничната агенција на ЕУ Фронтекс се договориле и за размена на податоци, како и на офицери.