Ердоган: Го губиме трпението пред бегалската криза, ќе дејствуваме!
Објавено во: Балкан 11 Февруари, 2016
Трпението на Турција може да не исцрпи и земјата ќе биде принудена да дејствува, рече турскиот претседател Реџеп Таип Ердоган, цитиран од агенциите.
Тој ги обвини ОН дека ја повикуваат Турција да даде повеќе за помош на бегалците, наместо таа да преземе акција за да се спречи крвопролевањето.
„Постои опасност следниот бран на бегалци да достигне 600 илјади лица, ако воздушните напади продолжат. Затоа ние се подготвуваме“, посочил претседателот за време на бизнис форумот во Анкара.
„До одредено време ќе покажуваме трпение и потоа ќе направиме се што треба. Автобусите и авионите не чекаат таму залудно“, посочи шефот на државата. Тој додаде дека Турција има информации дека поддржани сили од Иран во Сирија вршат „сурови масакри“.