16 Мај, 2021
0.0233

ЕДНА ЖЕНА ПОЧИНА, ДРУГА ВО КРИТИЧНА СОСТОЈБА ПО ВАКЦИНАЦИЈА СО ЈАНСЕН: САД ја стопираат употребата на вакцината од Џонсон и Џонсон

Објавено во: Свет 13 Април, 2021

Американските здравствени агенции,  ФДА и ЦДЦ денеска повикаа на итна пауза на употребата на еднодозната вакцина против корона вирусот Јансен на компанијата Џонскон и Џонсон, откако шестмина кои ја примиле во Соединетите држави развиле ретко нарушување проследено со згрутчување на крвта и тоа во рок од околу две недели по вакцинацијата, пишува денеска The New York Times.

Сите шест биле жени на возраст од 18 до 48 години. Една жена почина, а втората жена во Небраска е хоспитализирана во критична состојба.

-Препорачуваме пауза во употребата на оваа вакцина поради  претпазливост, порачаа д-р Питер Маркс, директор на ФДА и д-р Ана Шучет, заменик директор на ЦДЦ,

-Во моментов, овие неповолни настани се чини дека се исклучително ретки, велат тие во заедничката изјава.

Научниците со ФДА и ЦДЦ заеднички ќе ги испитаат можните врски помеѓу вакцината и овие случаи и ќе утврдат дали треба да продолжат да ја одобруваат употребата на вакцината за сите возрасни лица или да ја ограничат возраста.

Овој потег може значително да ги комплицира напорите за вакцинација во време кога многу држави се соочуваат со наплив на нови случаи и бараат решавање во однос на двоумењето за безбедноста на вакцините. Регулаторите во Европа и на други места се загрижени за вакцината развиена од истражувачите на Универзитетот „АстраЗенека“ и Оксфорд.

Научниците од Федералните здравствени агенции во САД истакнуваат дека „третманот на овој специфичен тип на тромб е различен од третманот што обично може да се дава при згрутчување на крвта.

-Обично, антикоагулантен лек наречен хепарин се користи за лекување на згрутчување на крвта. Во овој случај, давањето на хепарин може да биде опасно и треба да се направат алтернативни третмани, се вели во соопштението.

Во соопштението на компанијата Џонсон и Џонсон наведуваат:

-Ние сме свесни дека тромбоемболиски настани, вклучително и оние со тромбоцитопенија, се пријавени со вакцините против Ковид-19. Во моментов, не е воспоставена јасна каузална врска помеѓу овие ретки настани и вакцината Јансен.


Можеби ќе ве интересира

Во Конго се изречени триесет смртни казни

Во Конго се изречени триесет смртни казни

Антонио Гутереш е „шокиран“ од она што се случува во Појасот Газа

Антонио Гутереш е „шокиран“ од она што се случува во Појасот Газа

Има повеќе смртни случаи отколку лани, констатира СЗО

Има повеќе смртни случаи отколку лани, констатира СЗО

Повеќето Германци се против повластувања за вакцинираните

Повеќето Германци се против повластувања за вакцинираните

КАИРО НАПРАВИ ИСКЛУЧОК: Египет ја отвори границата со Газа поради евакуација на повредените

КАИРО НАПРАВИ ИСКЛУЧОК: Египет ја отвори границата со Газа поради евакуација на повредените

(ВИДЕО) ЕДЕН ЗАГИНАТ И ПОВЕЌЕ ОД 60 ПОВРЕДЕНИ: Toрнадо го погоди Вухан

(ВИДЕО) ЕДЕН ЗАГИНАТ И ПОВЕЌЕ ОД 60 ПОВРЕДЕНИ: Toрнадо го погоди Вухан

Москва молчи, а Ерменија тврди дека побарала воена помош од Русија

Москва молчи, а Ерменија тврди дека побарала воена помош од Русија

(ВИДЕО+ФОТО) Старата камп приколка ја претвориле во куќа

(ВИДЕО+ФОТО) Старата камп приколка ја претвориле во куќа

По првата вакцина во Италија имаат за 80 отсто помалку заразени

По првата вакцина во Италија имаат за 80 отсто помалку заразени