Државни функционери во „апс“ за нелегално делење субвенции
Објавено во: Македонија 05 Октомври, 2017
Во поголема акција се приведени дваесетина државни службеници под сомнеж дека нелегално го распределувале субвенциите наменети за земјоделците по наредба на јавен обвинител.
Приведените се изведени пред Судија на претходна постапка на распит, во скопскиот кривичен суд, поради сомнеж дека сториле злоупотреба на службена положба и овластување при распределба на земјоделски субвенции.
Според информации на судство.мк, приведените се сомничат за сторена злоупотреба на службена положба и овластување, согласно член 353 став 5 од Кривичниот законик на РМ и им се заканува казна затвор од најмалку пет години.
Од МВР и надлежните служби повеќе детали околу бројката на приведени како и за незаконските активности кои ги презеле, најавија дека ќе следат во текот на денот/