Докторите во Клиниката за кардиологија и се поклонија на починатата девојка која донираше органи
Објавено во: Македонија 17 Април, 2021
Докторите во Клиниката за кардиологија и се поклонија на младата почината девојка чие семејство одлучи да ги донира нејзините органи.
„Нејзиниот млад живот трагично згасна, но нејзиното срце спаси друг млад живот. Нема зборови со кои може да се искаже благодарноста кон семејство. Нема зборови со кои може да се опише алтруизмот и големината на чинот на органодарителство. Во моменти на длабока тага да се донесе одлука за донирање на органите на блиските е дефиниција за хуманост“, објави министерот за здравство Венко Филипче.
Во 3 часот и 33 минути утринава кај 22-годишно момче беше трансплантирано срцето на девојката. Ова е втора извршена трансплантација на срце во историјата на државата, на Клиниката за кардиохирургија.
Целиот тим кој во текот на целата вечер неуморно работеше, а Филипче рабоатата ја оцени како огромен успех на македонското здравство.