Доделени Еуролинк стипендии за додипломци и постдипломци на Правниот факултет „Јустинијан Први“
Објавено во: Мои пари 03 Ноември, 2015
Еуролинк осигурување, во петокот, на настан по повод врачување на “Еуролинк стипендијата”, додели 29 стипендии на перспективни млади луѓе, 18 за додипломски и 11 за постдипломски студии на Правниот факултет “Јустинијан Први” – Скопје, во вкупна вредност од 1.100.000,00 денари.
Стипендиите за студентите на додипломски студии од сите насоки се во висина од 25.000,00 денари за додипломците и 60.000,00 денари за постдипломците и се наменети за да им се покријат трошоците за кофинансирање. Стипендиите ги додели лично претседателот на Надзорниот одбор на Еуролинк осигурување, Олга Костовска, која им честиташе и истакна:
„Се надевам дека со овој наш гест, ви го правиме патот кон иднината побезболен, укажувајќи ви на вистинските вредности со кои ќе си ја обезбедите иднината, а тоа се истите со кои ја обезбедивте оваа стипендија. Не ги заборавајте своите одговорности кон семејството, кон нашата татковина и своите сограѓани. Отпочнете активен општествен живот, прифаќајте предизвици, градете ја мрежата на пријатели, идни соработници и идни работодавачи. Станете луѓе зачувувајќи ја благодарноста и хуманоста во себе и наоѓајте начини да помагате на помалку привилегираните од вас. “
Програмата за стипендирање студенти од Правниот факултет „Јустинијан Први“ во Скопје е дел од платформата за корпоративна општествена одговорност, „Еуролинк - Вашата врска со вистинските вредности“ и е во редот активности преку кои се промовираат трајните образовни, културни и општествени вредности во нашата држава.
Можеби ќе ве интересира
Промоција на „Шарени ириси“ – новата хибридна инклузивна сликовница во издание на „Арс Ламина“
ЖИМ Коскоска се врати на тронот, ИМ Тони Лазов првпат до титулата
РЕС е најголем снабдувач со струја на слободниот пазар, објави Регулаторната комисија за енергетика
Проширување на хоризонтите за трговија и инвестиции: мисијата на WTCA во Европа и Западен Балкан
В НЕДЕЛА СИТЕ НА ВОДНО – ДАЛИ СТЕ ПОДГОТВЕНИ ЗА НАЈМАСОВНИОТ ПЛАНИНСКИ НАСТАН ВО РЕГИОНОТ „SPARKASSE LIFE ПРВ ДО ВРВ“?
Гранд Скопјe PRIME SPONSOR на овогодинешната Конференција за недвижности
Промотивен станбен кредит на Силк Роуд банка со фиксна каматна стапка за 10 години
Лирски почеток на „Видик“ со фузија на поемата „Коњски житија“ и боса нова ритамот на „Акварела“
БЕКУТАНОВА РАБОТИЛНИЦА ЗА РОДИТЕЛИ: Секој маж може да стане родител, но не може секој да биде ТАТО
