ДОБРА ВЕСТ: По два дена откако исчезна, пронајден е младиот Јосиф

Добивај вести на Viber

Младиот Јосиф Попов е пронајден. Ова тукушто го објави неговата сестра на социјалната мрежа Твитер. 

„Јосиф е најден. Thanks на сите што споделивте!!“, пишува на Твитер неговата сестра.

Таа се заблагодарува на сите добри луѓе кои помогнале да биде пронајден. 

Update: Јосиф е најден. Thanks на сите што споделивте!! https://t.co/MKGmQxE1is https://t.co/0D1l9OH8jM pic.twitter.com/tqjjb7Iwi4

— Мемма (@Mmilyah) December 2, 2021

Претходно, тој беше исчезнат два дена. Неговите најблиски покренаа акција по социјалните мрежи со цел да се олесни потрагата по него.

Инаку, Јосиф живее во населбата Драчево, а според информациите, последен пат е виден на патот кон гимназијата „Јосип Броз-Тито“, каде требало да посетува настава. 

Поголем број објави има на социјалните мрежи, а кои се поврзани со неговото исчезнување.

Во нив главно се наведува дека тој неодамна е забележан во реонот на Универзална сала, а бил снимен и од безбедносните камери на пекарницата „Силбо“.

„Ова е Јосиф Попов. Вчера во 11 наутро му се губи траг за вечерва да го забележат во „Силбо“ околу 20.00 часст, со човек по име Ангел Блажески, кој наводно е вратен од Канада. Со истиот тој се во контакт веќе извесен период, забележувани се во Влае, околу Сити мол, на плочник, Дебар Маало. Наводно човекот е бездомник и живее во некаква си колиба, по кажувањата на Јосиф, која се претпоставува дека е во реонот на Сити мол“, на Фејсбук објави Ивана Балабан.

Според информациите за тоа како изгледа момчето, тој бил облечен во светломалсинеста јакна, темни панталони и црни високи чевли.