ДИРЕКТОРОТ НА „ТЕТЕКС“ И ЧЛЕН НА НАДЗОРНИОТ ОДБОР НА ТТК БАНКА, ГОГОВСКИ, ДОКУПУВА АКЦИИ - се стекна со 2.100 обични акции на банката
Објавено во: Финансии 16 Септември, 2022
Бобан Гоговски, кој сега е на кормилото на тетовскиот комбинат „Тетекс“, односно извршен член на Одборот на директори на компанијата, а од неодамна е именуван и за член на Надзорниот одбор на ТТК Банка, купува акции од банката.
Имено, ТТК банка преку ценовно чувствителна информација на Берзата, денеска информира дека Бобан Гоговски, именуван член на Надзорениот одбор на Банката, се стекнал со 2.110 обични акции, издадени од ТТК Банка АД Скопје.
Од банката известија и дека таму 1.500 обични акции купила Драгица Јовановска, Член на Надзорен одбор на ТТК Банка.
Како што е познато, согласно состојбата од Централниот депозитар за хартии од вредност, во ТТК Банка најголем поединечен акционер е тетовскиот комбинат „Тетекс“, со 41,53 отсто од акциите. Компанијата „Тетекс“ е и единствениот акционер кој поседува над пет отсто од капиталот на ТТК Банка.
Бобан Гоговски, како што веќе пишуваше Фактор, на 6 септември беше именуван за нов член на Надзорен одбор на ТТК Банка, со мандат до 19 март 2025 година.
За оваа одлука беше наведено дека ќе почне да се применува по добивање согласност од гувернерката на Народна Банка.
Инаку, Бобан Гоговски од неодамна го презема управувањето со познатиот тетовски комбинат „Тетекс“. Промената како што објави „Фактор“ беше објавена во Централниот регистар на државава.
Покрај за Извршен член на Одборот на директори, Гоговски беше именуван и за Генерален директор со неограничени овластувања во внатрешниот и надворешен промет на комбинатот.
Бобан Гоговски е дипломиран електротехнички инжинер. Тој е син на Глигорие Гоговски, починатиот долгогодишен прв човек на тетовскиот комбинат „Тетекс“.
Во моментов Бобан Гоговски располага со 6,67 отсто од акциите на комбинатот „Тетекс“, согласно состојбата од Централниот депозитар за хартии од вредност.Н.Н.Ф.
Можеби ќе ве интересира
НАЈСТАРАТА МАКЕДОНСКА БАНКА СЛАВИ 80 ГОДИНИ, А ИМА И УБАВА ВЕСТ - еве како оствари чист профит поголем од 14 милиони евра
„НОЌЕВАЊЕ ВО ОХРИД ЗА ДВЕ ИЛЈАДИ ДИНАРИ“: Еве како српски „Б92“ им го претстави македонскиот бисер на Србите
ПЛАТА 120.000, А НЕ ВИ ТРЕБА ФАКУЛТЕТ! Младите се почесто отвораат сопствен бизнис во оваа област, а работници нема доволно во Србија
САМО НЕБОТО Е ЛИМИТ ЗА МАКЕДОНСКИТЕ БАНКИ! Која од нив објави 19 милиони евра профит за три месеци?
ОВА СЕ ЧЕТИРИТЕ НАЈГОЛЕМИ УЛТРА ИНТИМНИ ВИП НАСТАНИ КАДЕ ОДАТ НАЈБОГАТИТЕ: Тука тешко е да присуствува обичен човек
РАБОТАТ ОД ДОМА, А СААТНИЦАТА ДОСТИГНУВА 200 ЕВРА: Ова е список на работни места за кои многумина сонуваат
МАКЕДОНЦИТЕ ПОЧНАА МАСОВНО ДА ОДАТ ВО ГРЦИЈА: Еве ги цените во предсезоната
АМЕРИКА МОЖЕ ДА СЕ СООЧИ СО СТАГФЛАЦИЈА: директорот на JPMorgan Chase предупредува „економијата на САД се враќа на проблемите од 70-тите“
ВТОР МЕСЕЦ ПО РЕД ПАЃААТ - проесечната нето плата 39.276 денари, еве во кои сектори има најголемо намалување
