Дескоска: Двојазични пари се неуставни и нив ги нема во донесениот закон
Објавено во: Македонија 15 Јануари, 2018
Двојазичните пари и двојазичните ознаки на униформите на војската се неуставни и тоа го нема во донесениот Закон за употреба на јазиците.
Ова го напиша министерката за образование Рената Дескоска, коментирајќи медиумски написи кои ја поврзаа со како што самата пишува хумористични наслови.
Дескоска пишува дека тоа може да се провери само со отварање на законот кој е објавен на веб страната на Собранието на Република Македонија.
„Јас тврдев и сѐ уште тврдам дека двојазични пари и двојазични ознаки на униформите на војската се неуставни. И нив ги нема во донесениот закон. Тоа може да се провери само со отварање на законот кој е објавен на веб страната на Собранието на Република Македонија“, пишува министерката.
Таа прашува дали можеби тие што тврдат дека во законот има двојазични пари и униформи за војската, мислат дека е усвоен текстот на законот што тие го договориле?