ДЕНЕС ЌЕ ЗНАЕМЕ: РКЕ ќе каже каква цена на струјата не чека од утре
Објавено во: Економија 29 Јуни, 2018
Новата цена на струјата ќе се знае денеска по подготвителната седница на Регулаторната комисија за енергетика.
Новото раководство на РКЕ вчера на средба со новинарите најави дека ќе има минимално намалување на цената на струјата.
Како што информираа од РКЕ, компанијата ЕВН побарала зголемување на цената за девет проценти, ЕЛЕМ намалување за 1,5 проценти, а МЕПСО не побарале ниту зголемување, ниту намалување.
Каква цена на струјата не чека од задутре?
Цената на струјата за домаќинствата нема да поскапи, односно ќе остане иста, затоа што остануваат истите тарифите за домаќинствата и за фирмите кои и користат регулирана цена, дознава „Фактор“ од извори во Регулаторната комисија за енергетика.Тоа значи дека домаќинствата и во оваа грејна сезона ќе останат со истите тарифи по кои: киловатчас скапа струја е 5,55 денари, киловатчас евтина струја е 2,78 денари, а кај домаќинствата кои имаат една тарифа струјата и понатаму ќе чини 4,45 денари за еден потрошен киловатчас.
Како што дознаваме, ќе нема промени и кај тарифните потрошувачи од првиот и од вториот тарифен степен, а минимално односно за 0,01 денар ќе се зголеми цената на киловатчас електрична енергија потрошена за јавното осветлување. Изворите брифираат дека ќе нема промени ниту кај тарифните потрошувачи приклучени на 35 киловотна и на 10 киловолтна дистрибутивна мрежа.
Каква цена добиваат ЕЛЕМ, МЕПСО и ЕВН?
РКЕ ќе ги намали тарифите за: производство на ЕЛЕМ, најголемиот домашен производител на струја и за пренос на МЕПСО, државната компанија задолжена за пренос на елетрична енергија и управување со системот. ЕВН Дистрибуција , операторот на електродистрибутивниот систем од РКЕ ќе добие зголемување на својата тарифа за дистрибуција, но тоа нема да влијае врз просечната цена на електричната енергија на тарифните потрошувачи. Според нашите сознанија намалување ќе има и кај тарифата за организирање пазар за електрична енергија што ја наплаќа МЕПСО, но тоа е многу мал износ што учествува во вкупниот трошок и заради тоа е незабележлив.
Всушност можно е и минимално намалување на просечната цена, но тоа нема да го почувствуваат домаќинствата затоа што кај нив тарифите остануваат исти.