Даниел Кајмаковски е стружанецот кој ја пријавил својата поранешна сопруга дека му ставила дрога во кафето
Објавено во: Македонија 17 Април, 2021
Пејачот и шоумен Даниел Кајмаковски е стружанецот за кој полицијата денеска објави дека ја пријавил својата поранешна сопруга Кристина Димитријевска дека му ставила дрога во кафето по што му се слошило и добил напад на труење.
Кајмаковски завршил во клиничкиот комплекс „Мајка тереза“, а неговата поранешна сопруга само кратко ваквите информации ги нарече „глупости“.
„ Вчера во Полициска станица Центар од Комплекс клиники „Мајка Тереза“, било пријавено дека кај нив бил примен Д.К.(38) од Струга, по чие што кажување додека бил во парк во Тетово, заедно со неговата поранешна сопруга (25-годишна жена), таа му дала кафе во кое што, според пријавеното, биле ставени наркотични средства“, соопштија од полицијата.
Жената била повикана во Полициска станица Тетово но ги негирала тврдењата на пријавителот и изјавила дека се сретнала со поранешниот сопруг за да го види своето дете, додека воопшто не пиеле кафе. Таа го известила и Центарот за социјални работи кога на Д.К. му се слошило.
Известен бил Јавен обвинител и се преземаат мерки за расчистување на случајот.