Дали Tesla ќе банкротира за некој месец?
Објавено во: Економија 29 Март, 2018
Технолошкиот гигант Tesla Motors и натаму не успева да оствари профит, а производството на нови електрични автомобили станува се потешко и потешко, особено што оваа компанија нема таков вид на механичко и инженерско искуство како на пример кај традиционалните автомобислки производители меѓу кои Ford, Mercedes или Toyota.
Според прогнозите на Џон Томпсон, менаџер на инвестициски фонд кој вложува во тоа дека акциите на Tesla ќе паѓаат, Tesla може за некој месец да банкротира бидејќи ќе остане без кеш.
Лани Tesla забележа загуба од речиси 2 милијарди долари и произведе само 100.000 електрични автомобили. Томпсон кој вложил половина милион долари лични пари, како и 65% од средствата на фондот со кој управува, тврди дека Tesla за неколку месеци ќе прогласи банкрот.
Доколку неговата прогноза се оствари преку „short“ инвестирањето со кое се предвидува пад или банкрот на компанија или финансиска институција, тогаш неговиот фонд двојно ќе ја зголеми вредноста, па истото им го советува на сите инвеститори да се обложуваат против Tesla поради нивните се полоши финансиски извештаји со голем пад на приходите.