Добивај вести на Viber
Европската Унија денеска ќе објави „нацрт план“ за повторно целосна примена на „шенген зоната“ на слободно движење, затоа што поединечни земји поради бегалската криза воведоа погранична контрола.
Тоа би значело итно формирање систем на крајбрежни стражи на ЕУ и зајакнување на надворешните граници во Грција, која е главна точка за влез на бегалците и мигрантите во Европа.
По скоро 20 години слободно патување низ Европа, „шенгенската зона“ е во лоша состојба, бидејќи дел од членките еднострано воведоа погранична контрола, за да ги запрат бегалците од Грција да стигнат до земјите во Европа. Иако Европа се соочува со најголемата бегалска криза по Втората светска војна, сепак целосната примена на правилата на Шенген зоната се многу важни за ЕУ како целина.
Од почетокот на 2015 година во Европа дојдоа над 1,13 милиони бегалци, кои преку Грција, пристигнаа во побогатите земји од ЕУ.