Да се заработи 40 000 евра од тартуфи можно ли е ?
Храна на боговите - тартуфите се егзистенција за илјадници Бугари.
Објавено во: Економија, Балкан 18 Септември, 2016
Нив ги има дури и околу домовите на луѓето. Во минатото тартуфот бил храна само за високата аристократија, а го имало во менито на владетели како Наполеон Бонапарта.
Во денешно време може да биде дел од менито на секој Бугарин. Иако цената за еден килограм надминува 3000 евра, за подготовка на јадење со тартуфи се потребни само 6 грама од оваа печурка.
Првите експедиции за пребарување на тартуфи во Бугарија датираат уште од 80-тите години на минатиот век. Тогаш тим на најголемата компанија на овој вид печурки доаѓа од Италија за истражување на терените и лоцирање на наоѓалишта.
Тартуфи има насекаде, не само во длабоките шумски масиви.
Во пролетта, кога има обилни врнежи, растот на црниот тартуфа е интензивен.
„Долги години се шпекулираше дека нема бел тартуф во Бугарија, но пред пет-шест години открија и кај нас. Белаиот тартуф има многу поинаков вкус од оној црниот. Во Италија, која е најголем потрошувач и трговец на тартуфи во светот, тоа е традиција од 160 години. Таму еден активен собирач заработува меѓу 20 000 и 40 000 евра годишно. Овие пари се заработуваат и кај нас“- вели 25 годишниот Цветозар Мичевски.
Поволни месеци за собирање на тартуфи се јуни, јули и август, а најбогато со овие печурки е Лудогорието. Според неофицијалните податоци, во земјата собирањето на тартуфи е начин на живот на над 10.000 луѓе, а постојат села со население од 400-500 лица, од кои 200 се активни собирачи.