Четворица терористи приведени во Турција за планирање напади
Четворица се приведени во Турција за сомневање за подготовка на напади.
Објавено во: Балкан 16 Септември, 2016
Турските власти уапсија четворица осомничени членови на терористичката организација „Исламска држава". Тие се осомничени за подготовка на терористички напади врз дипломатски мисии на Германија и Велика Британија, соопшти ТВ каналот „Haberturk".
Според информација на негов извор, тројца од терористите се уапсени во Анкара, а еден - во Истанбул. Се води истрага за утврдување на врските со ИД. Можните терористички напади врз дипломатските мисии на двете земји требало да бидат извршени во период од 13-17 октомври.
Британската амбасада во Анкара вчера соопшти дека ќе биде затворена денеска од безбедносни причини. Германски медиуми во средата, исто така соопштија дека амбасадите, конзуларните служби и германските училишта во Турција ќе бидат затворени до крајот на неделава поради сигнали за планирани напади врз нив.