Добивај вести на Viber
Довербата на инвеститорите во Кина се зголемува, а знак за тоа е порастот на директните странски инвестиции кои во првите осум месеци од годината се зголемиле за 6,73 отсто, објави кинеската влада.
Како што соопшти кинеското министерство з атрговија, доколку се изземе финансискиот сектор, во кинеската економија од јануари до август се слеале 79,77 милијарди долари директни странски инвестиции.
Во август, директните инвестиции бележат стагнирање на годишни ниво достигнувајќи 8,38 милијарди долари. Податокот сочинува остар контраст во однос на јули и јуни кога инвестициите скокнаа за 24,13 односно 20,12 отсто.
Инвестициите од Европската унија бележат значителен пораст, за 24,3 отсто, на 5,44 милијарди долари, како и оние од САД за 18 отсто, на 2,5 милијарди долари.
Сепак, најмногу во Кина инвестира групата од 10 азиски држави и региони, вклучително и Хонг Конг, Тајван и Јапонија. Нивните инвестиции во осуммесечниот период пораснале за 7,87 отсто, на 68,83 милијарди долари.