МИГРАНТСКИ ПРЕДИЗВИК
Бугарија доби 160 милиони eвра од ЕК за заштита на границите
Објавено во: Балкан 16 Септември, 2016
Вкупно 160 милиони eвра ќе добие Бугарија од Европската комисија, за да ja засили заштитата на своите граници. Тоа го објавија претседателот на Европската комисија, Жан-Клод Јункер и премиерот Бојко Борисов по завршувањето на самитот во Братислава.
Првично нашиот сосед ќе биде потпомогнат со 108 милиони евра, а потоа со уште 52 милиони евра за подобра заштита на границите од силниот миграционен поток.
„Бугарија во моментов се соочува со многу голем предизвик. Ова не треба да се гледа само како проблем за Бугарија, треба да се гледа на него како предизвик пред целата ЕУ“, нагласува Јункер.
Според него, лидерите на ЕУ одлучија комисијата да обезбеди 108 милиони евра за потребите на Бугарија. Тој истакна дека целта е износот да ги достигне бараните 160 милиони евра.
„Следните неколку дена ќе најдеме механизми преку кои може да се обезбедат и овие 52 милиони евра“.
Според него Бугарија нема да биде оставена сама „благодаение на постојаните интервенции на бугарскиот премиер“.
„Над 320 милиони евра издејствувавме денес за Бугарија“, вели Борисов. Според него „во општи линии сите“ ја поддржаа нашата земја, но особено лидерите на Германија, Унгарија, Полска, Чешка, Словачка, Унгарија, Финска, Италија, Шведска.