Братот на Фатмир Бесими се откажа од пратеничкиот мандат: Жртва за министерската позиција
Објавено во: Македонија 23 Август, 2020
Братот на министерот Фатмир Бесими, Флорин Бесими го враќа мандатот во Собранието. Преку соопштение информира дека оваа одлука ја донел откако биле објавени имињата на кандидатите за министри во новата влада, меѓу кои е и неговиот брат, но и со претходна консултација со лидерот на ДУИ, Али Ахмети. Билјана Ивановска претседателката на Антикорупциската комисија вчера рече дека ова е можен судир на интереси, затоа што братот ќе го гласа другиот брат за министер.
„Заедно на овие избори направивме голем исчекор и издвоивме историска победа. Морално сум обврзан да дадам едно пријателско објаснување, околу ангажираноста, и вашата неуморна работа на терен за големата победа на Демократската Унија за Интеграција во секое населено место и во секој град. Заедно успеавме да покажеме беспрекорна организација, дух и мобилизација. За мене претставува посебна чест и одговорност да ве претставувам во Собранието на Република С. Македонија, но околностите денес ми наложуваат да донесам сосема друга одлука, пишува Бесими.
„Стоејќи се на принципите на еднаквост, правда, можност за сите и целосно почитување и без никакво двоумење на законот и волјата на народот, ве известувам дека останувам принципиелен и следствено на тоа давам оставка од мандатот на Народниот заменик за да се избегне можен конфликт. од интерес со мојот глас во собранието“, додава Бесими.
Инаку во јавноста никој не демантира дека превирањата во партијата може да резултираат со промени во министерските позиции. Се шпекулира дека на местото на Бујар Османи во Министерството за надворешни работи ќе дојде Артан Груби, додека на позицијата што ја резервираа првично за него, по личните реакции ќе седне Изет Меџити. Тој треба да биде прв вицепремиер. Сепак ова не е потврдено.