Босна и Херцеговина поднесе барање за членство во ЕУ
Објавено во: Балкан 15 Февруари, 2016
Босна и Херцеговина официјално поднесе барање за членство во Европската унија.
Ова го соопшти високиот комесар за надворешна политика и безбедност Федерика Могерини, цитирана од весникот „Independent“.
Дипломати во Брисел сепак навестија дека Сараево може и сеуште да не ги исполнило сите услови потребни за поднесување на барањето.
Сепак Могерини изјави дека земјите од Унијата ќе го анализираат барањето за членство.
„Во време во кое има сомнежи во Унијата одвнатре, да видиме дека нашите непосредни соседи имаат таква енергија и желба да се приклучат и да работат за да ги прилагодат земјите на општествата, економиите и институциите кон европските стандарди, нè тера да чувствуваме одговорност“, рече таа.