16 Јули, 2019
0.0202

Борба на титаните: кои се најплатените банкари во земјава?

Објавено во: Економија 20 Јуни, 2019

„Комерцијална банка“, најголемата домашна банка лани оствари добивка од 29 милиони евра и за тоа своите први луѓе (тројцата членови на Управниот одбор) ги награди со 826.000 евра. Најголемиот ривал „Стопанска банка“ оствари добивка од 44,6 милиони евра и најзаслужните за тој резултат – четворицата членови на Управниот одбор ги плати 530.000 евра. Значи просечно лани член на управата на „Комерцијална банка“ акционерите ги чинела 275.300 евра, а акционерите на „Стопанска банка“ просечно за годишен ангажман на член на УО платиле 132.500 евра за добивка од 44,6 милиони евра

„Комерцијална банка“ и „Стопанска банка Скопје“ се двете најголеми домашни банки по критериумите: вкупни средства, вкупни кредитни пласмани, вкупни депозити. Лани и двете банки имаа извонредно добра година, а на нивното работење позитивно влијаеше во значајна мерка рестаритрањето на „Фени“, враќањето на заемите и ослободувањето на резервираните средства кои банките ги чуваа пред да ги наплатат заемите. „Стопанска банка Скопје“ лани заврши со нето добивка од 44,6 милиони евра. „Комерцијална банка“ лани оствари нето добивка од 29 милиони евра. И двете банки поделија солидни дивиденди на своите акционери.

Очигледно задоволни од работата акционерите и на двете банки богато ги наградија членовите на управните одбори односно врвните директори. „Комерцијална банка“ лани на трите членови на Управниот одбор исплати бруто износ од 826.000 евра за плати, плати од деловна успешност, регрег, новогодишен надоместок и менаџерско осигурување. Тоа значи дека „Комерцијална банка“ по член на Управен одбор лани исплатила 275.300 евра. Во Управниот одбор на оваа банка членуваат: Хари Костов, долгогодишен прв човек на банката со повеќе од 30 години банкарско искуство, Илија Илоски и Маја Стевкова Штериева.

Акционерите на „Стопанска банка“ лани на четирите члена на Управниот одбор исплатиле бруто износ од 530.000 евра. Односно просечно по член бруто исплатата за плати, надоместоци и награди е 132.500 евра. Во Управниот одбор на оваа банка во 2018 година членувале: претседател и генерален извршен директори Диомидис Николетопулос и членовите Тони Стојановски, Милица Чапаровска – Јовановска и Теодулос Скордис.

Кои се двете банки на нашиот банкарски пазар?

„Комерцијална банка“ лани остана најголема банка на нашиот пазар од аспект на вкупните средства. Банката има 1,861 милијарда евра вкупни средства и во однос на 2017 година тие пораснале за 9,1 отсто односно за 155 милиони евра. Учеството во вкупните средства на банкарскиот сектор на оваа банка е 22,7 отсто и бележи статус кво во однос на 2017 година. Најголемиот конкурент во оваа категорија е „Стопанска банка Скопје“ и таа има 1,493 милијарди евра вкупни средства и тие се за 88 милиони евра поголеми од 2017 година што е раст од 6,3 отсто. Пазарното учество на оваа голема банка е 18,2 отсто и бележи пад од 0,5 отсто во однос на 2017 година.

 Во конкуренција на кредитно портфолио убедливо напред е „Стопанска банка Скопје“. Таа е единствена банка што има кредитно портфолио поголемо од една милијарда евра. Нејзините пласмани се 1,082 милијарди евра,  зголемени се за 4 отсто во однос на 2017 година, а пазарното учество е 20,8 отсто. Оваа банка лани и покрај доминантната позиција бележи пад на пазарното учество за 0,7 отсто. Втора е НЛБ Банка со пласмани од 915 милиони евра и нивен раст од 5,2 отсто во однос на 2017 година. Пазарното учество на оваа банка е 17,6 отсто и е пониско за 0,4 отсто во споредба со претходната година. Трета во големата петорка е„Комерцијална банка“ која има пласмани вредни 851 милиони евра. Таа е единствена во големата петорка која бележи намалување на износот на пласмани и тоа за 7 милиони евра односно за 0,8 отсто.

Кај депозитите неприкосновена е „Комерцијална банка“ во која веројатно граѓаните и фирмите имаат најголема доверба. Нејзината депозитна база е 1,584 милијарди евра. Таа пораснала за 118 милиони евра во однос на 2017 година што е раст од 8 отсто. Пазарното учество на оваа банка е 26,2 отсто и тоа бележи пад од 0,3 отсто. „Стопанска банка Скопје“ стигна до ниво од 1,2 милијарди евра депозитна база што е раст од 87 милиони евра во однос на 2017 година односно 7,8 отсто. Пазарното учество на втората банка е 19,9 отсто и е пониско за 0,3 отсто.


Р.Ф.

Можеби ќе ве интересира

Возачи од денес ќе точите горива по повисоки цени

Возачи од денес ќе точите горива по повисоки цени

Над 4.100 граѓани аплицираа во Град Скопје за субвенции за велосипед во 2019 година

Над 4.100 граѓани аплицираа во Град Скопје за субвенции за велосипед во 2019 година

Бислимовски очекува новите станови да поевтинат за 100 евра

Бислимовски очекува новите станови да поевтинат за 100 евра

По повисоки цени возачите ќе полнат бензин и дизел од полноќ

По повисоки цени возачите ќе полнат бензин и дизел од полноќ

Како работеа бизнисите на Трифун Костовски лани?

Како работеа бизнисите на Трифун Костовски лани?

Сестрата Олга со „Еуролинк осигурување“ подобра од братот Коки со „Еуростандард банка“

Сестрата Олга со „Еуролинк осигурување“ подобра од братот Коки со „Еуростандард банка“

Кој е поуспешен од децата на Трифун Костовски?

Кој е поуспешен од децата на Трифун Костовски?

Нови поповолни услови за кредитирање во Силк роуд банка

Нови поповолни услови за кредитирање во Силк роуд банка

ИМА НАЈАВИ ЗА ПОСКАПУВАЊЕ НА ЗЛАТОТО: Македонските златари се жалат дека работата оди тешко

ИМА НАЈАВИ ЗА ПОСКАПУВАЊЕ НА ЗЛАТОТО: Македонските златари се жалат дека работата оди тешко