Богдановиќ ветува енергетско-ефикасни фасади за помали сметки за струја во Центар
Објавено во: Македонија 09 Октомври, 2017
Фасади кои се распаѓаат, кровови кои што прокиснуваат е сликата на многу згради во Пролет најстарата населба во општина Центар.
Кандидатот за градоначланик во скопската општина Центар Саша Богдановиќ ветува дека ќе го продолжи проектот за енергетско-ефикасни фасади а не барок како што тоа го правеше Коце Трајановски, вели Богдановиќ.
Енергетско-ефикасните фасади ќе го задржат автентичниот изглед, и според Богдановиќ тие користат помалку енергија за затоплување и за ладење.
Тој посочи и дека со ова сметките за струја ќе бидат помали за една третина а дополнително со намалената количина на електрична енергија се чува и животната средина.
Општина Центар рече Богдановиќ ќе помогне и за реновирање на покривите на старите објекти.