Бил Гејтс и натаму е најбогат Американец, Ворен Бафет најмногу го зголемил своето богатство

Добивај вести на Viber

Ко-основачот на „Мајкрософт“, Бил Гејтс и годинава е најбогатиот човек во САД, објави магазинот „Форбс“ кој неговото богатство го проценува на 72 милијарди долари. Тој се наоѓа на врвот на листата на најбогати Американци дваесета година по ред. На второто место на листата исто така нема изненадување. Инвеститорот Ворен Бафет и основач на Berkshire Hathaway е втор со богатство во вредност од 58,5 милијарди долари. „Форбс„ го стави Бафет на насловната на специјалното издание, бидејќи неговата состојба е зголемена најмногу во споредба со претходната година – за 12,5 милијарди долари. Тој е претставен како ” Таткото на милијардерите”. Во анализата на „Форбс“ стои дека само 30 лица во рангирањето “станале посиромашни” во споредба со минатата година. Сите други имаат заработено повеќе, главно поради добрите резултати на берзите. Основачот на Фејсбук, Марк Цукерберг се врати меѓу 20- те најбогати. Годишниот рејтинг, Форбс 400, магазинот „Форбс“ го прави 32 година по ред.