Асанж со жесток напад врз Марк Цукерберг - Бришете Facebook

Добивај вести на Viber

Џулијан Асанж, основачот на Wikileaks и поборник за транспарентност без владини и корпорациски тајни за контрола над јавноста, упати жестоки критики против Марк Цукерберг директорот на Facebook за злоупотреба на приваните податоци на стотици милиони корисници како во скандалот со Cambridge Analytica.

Асанж на својот профил на Твитер сподели преписка од пред неколку години која што негов пријател ја имал со Марк Закерберг, основачот на Фејсбук. Преписката била во 2003-та година кога оваа социјална мрежа ја имала својата бета верзија и била далеку од глобалната популарност која што ја има денес.

Цукерберг и самиот бил изненаден што „глупаците“ толку лесно му ги предале своите податоци на штотуку стартуванта платформа. „Тие ми веруваат, будали“, наводно напишал Закерберг.

Денес, 15 години подоцна Закерберг се соочува со огромен проблем затоа што Фејсбук е обвинет за злоупотреба на податоци на над 50 милиони корисници. Податоците ги собирале од Cambridge Analytica, компанија со седиште во Лондон.

Тие вршеле анализи на навиките на гласачите во САД со цел да креираат позитивни пораки во кампањата на Доналд Трамп, но биле анагажирани и на други избори по што сега добиваат тужби за нарушување на приватноста.

Асанж ја избриша страницата на Facebook и побара тоа да го направат сите корисници за да се заштитат од злоупотреби.