Добивај вести на Viber
Хрватската Влада ќе овозможи армијата да и помага на полицијата во управување со проток на мигранти.
Ова ќе биде реализирано со законски измени. Предложените измени и дополнувања од Хрватската влада, ќе овозможат армијата да помогне да се заштитат границите на земјата, внимавајќи на безбедноста и хуманиот пристап. Армијата ќе ги следи инструкциите од полицијата.
Парламентот мора да ги одобри законските измени. Соседна Словенија направи ваква измена минатиот месец.
Околу 700.000 мигранти поминаа низ Хрватска од септември минатата година. Најмалку 30.000 во моментов се заглавени во Грција, спречени да патуваат низ Балканот, а потоа и во Западна Европа, најчесто во Германија.
Во соседна Бугарија почна вежба на бугарската армија „Граница – 2016″ за активностите при евентуален бегалски поток кон Бугарија. Денеска ќе се одржи подготовката и првичните тренинг активности.