Арапи го преземаа Тутунскиот комбинат во Подгорица
Објавено во: Балкан 16 Февруари, 2016
Aрапската компанија „BMJ Industries FZ LCH“ ќе го преземе управувањето со Новиот тутунски комбинат во Подгорица (NDPK) и ќе вложат 20 милиони евра во изградба на нова фабрика, соопштила Тендерската комисија на Владата на Црна Гора, пренесуваат црногорските медиуми.
Како што се наведува, претставници од Владата на Црна Гора, градската управа на Подгорица и компании од Обединетите арпски емирати потпишале денеска договор за докапитализација и управување со „NDPK“.
Купувачот се обврзал во наредните година дена да вложи 20 милиони евра во новата фабрика за тутун во Подгорица, до завршувањето на фабриката да ангажира најмалку 80 работници, а во новата фабрика по отворањето да ангажира 55 работници и уште по 20 на годишно ниво.
„NDPK“ бил во стечај. Владата на Црна Гора во „NDPK“ има 69,9 одсто удел, а главниот град Подгорица 30,08 одсто акции.
Арапскиот „BMJ Industries FZ LCH“ поседува фабрика за производство на тутун со капацитет од 200 илјади штеки месечно и располага со 20 брендови и 40 различни видови на цигари.