АПАСИЕВ ИМ НАЈАВИ ПЕКОЛ ВО СОБРАНИЕТО: Секој наш пратеник вреди колку 10 нивни, имаме шест, се бориме за седмиот

Добивај вести на Viber

Лидерот на Левица, Димитар Апасиев објави дека партијата што ја раководи освоила сигурни шест пратенички места, а се надеваат уште на еден кога ќе бидат обзнанети финалните резултати.

„Во единицата имаме двајца пратеници на Левица, Апасиев и Хактан, во двојка еден фиксен, нашиот портпарол, во тројка имаме еден фиксен се бориме за втор, за ситно, многу ситно, 200 до 300 гласа се во прашање да влезе покрај Борислав Крмов, Александар Симонов, и така цел президиум да бидеме во Парламент, во четворка влегува Сашко Јанчев фиксно и во петка Јована Мојсоска, првата жена пратеник од Левица“, рече Апасиев. 

Она што се залагавме, ни успеа, ја пасокизиравме СДС, ја кутнавме црвената буржоазија што беше наш детски сон уште од транзицијата, на под 20 пратеника, што не го ни сонувавме, нагласи тој. 

„Друга значајна победа, и покрај сета наша маргинализација, а фаворизација на Максо, го преполовивме проектот на ЗНАМ на половина од претседателските избори, што повторно покажува дека овој изборен систем повторно не краде, некаде го водиме за 4.000 гласови, а имаме ист број пратеници. Затоа прво барање на Левица ќе биде воведување на една изборна единица. 

Благодарам на сите активисти кои не потклекнаа на вмровските медиуми, Левица ќе продолжи за пет пати посилно од сега. Секој наш пратеник вреди колку за 10 нивни, да знаат дека ги чека пекол во Собранието со нашите борбени пратеници. 

Уште веднаш почнуваме со подготовка за локални избофри каде ќе го надминеме и овој скор, да сте ми живи и здрави се надевам дека до сабајле ќе имаме седум пратеници“, рече Апасиев.