Анализа за тоа како ќе заврши дуелот на ТЕ-ТО и „Топлификација“
Објавено во: Економија 02 Јули, 2018
Банките ќе одлучат за судбината на ТЕ-ТО така што ќе го гледаат својот интерес и ќе продадат имот и постројка со опрема на тој што ќе плати најмногу. Со ова сценарио се оекува да заврши спорот помеѓу ТЕ-ТО од една страна и „Битар холдингс лимитед“ и “Топлификација“ од друга страна.
Од препукувањето во последниве два месеци изгледа дека нема никаков простор за меѓусебно помирување и подавање рака. Вплеткани во судските лавиринти: ТЕ-ТО и неговите акционери „БХЛ“ и „Топлификација“ веројатно дека ќе добијат само оние што имаат право врз имотот на најмодерната, најефикасната и високо профитабилна (во зависнот од цената на гасот) когенеративна централа ТЕ-ТО.
Ако се погледне структурата на обезбеденоста на долговите на ТЕ-ТО логично е да се заклучи дека на крај со активирањето на хипотеките ќе значи дека банките го имаат главниот збор. ТЕ-ТО во целост зависи од милостината на неговите акционери кои вбризгуваат кеш во форма на позајмици за компанијата да може да работи.На крајот на 2016 година долгот спрема банките изнесувал 55 милиони евра и за негово обезбедување е имотот на ТЕ-ТО вреден 100 милиони евра. Акционерите на ТЕ-ТО со учество од 150 милиони евра на крајот на 2016 година имале дадено позајмици на ТЕ-ТО кои во најголема мерка се без камата, но и се без обезбедување.
На ТЕ-ТО му е неоходна финансиска инјекција за да може да ја покрие претстојната грејна сезона. За тоа му се потребни од 15 до 20 милиони евра за да набави гас.
Ако ТЕ-ТО, кој досега редовно ги сервисирал своите обврски спрема банките, престане да го прави тоа сосема легитимно е кога ќе истечат роковите да дојде до постапка на активирање на хипотеките и на продажба на имотот на ТЕ-ТО.
Сега во услови кога ТЕ-ТО нема перспектива зашто му е отворен стечај, „Топлификација“ е загрозена со стечај.