Американски војник и неговиот братучед осудени бидејќи помагале на ИД
Објавено во: Свет 21 Септември, 2016
Американски војник и неговиот братучед вчера се осудени на 30 и 21 година затвор за помагање на џихадистичката група „Исламска држава" и планирање на напад врз воен објект во САД, соопшти Министерството за правда, цитирано од Франс прес.
Хасан Едмандс кој служел во Националната гарда на САД, дел од копнената војска, комуницирал преку интернет во јануари 2015 година со агент на ФБИ, кој се претставил како борец на „Исламска држава" во Либија.
Војникот призна дека дал совети на соговорникот за тоа како да се победи и порази американската армија" и изразил подготвеност со братучед му да извршат напад во САД. Тие планирале напад во воената база во Илиноис, во која бил на служба Хасан Едмандс.
Двајцата мажи кои се американски државјани, родум од Илиноис, почнале да се среќаваат со друг таен агент во март 2015 година, кој понудил да им помогне да се приклучат на „Исламска држава" во Ирак.