34 000 ослободени затвореници-Кој се пушти од затвор Турција?
Објавено во: Балкан 02 Септември, 2016
Властите во Турција ослободија речиси 34 000 затвореници, соопштија од Министерството за правда на таа земја.
Сеуште не е јасно дали потегот е дел од мерките преземени од министерот за правда, Бекир Боздаг, според кој затвореници, кои немаат врска со превратот од 15 јули, треба да бидат ослободени за да отворат места за уапсените по него.
Во рамките на чистката по обидот за соборување на претседателот Реџеп Ердоган од власт беа уапсени речиси 40 000 лица, меѓу кои државни службеници, полицајци, воени лица, научници, новинари и други.
Минатиот месец од канцеларијата на високиот комесар за човекови права предупредија дека чистката е кршење на меѓународното законодавство.
„Иако ја разбираме суштината на кризата во Турција, ние сме загрижени дека чекорите на владата да го ограничи широкиот спектар на гаранции за почитување на човековите права, оди подалеку од она што може да биде оправдано во светлината на оваа ситуација“, се наведува во заедничката порака на експерти од канцеларијата на високиот комесар.