Добивај вести на Viber
Околу 100.000 автомобили се очекува денеска и утре да ја напуштат бугарската престолнина Софија, затоа што утре е празник 3 март-Денот на ослободувањето на Бугарија од Отоманската империја.
Властите предупредуваат возачите да внимаваат затоа што видео надзорот на автопатите ќе ги „лови“ прекршоците. Граѓаните за празникот ќе се упатат кон провинција, но и кон соседните држави.
"Од денеска до крајот на работниот ден ќе има доста засилен сообраќај, како и на почетокот на утрешниот празничен ден"- изјави Тенчо Тенев, кој е началник на КАТ-Софија.
Тој предупреди возачите да бидат исклучително внимателни утре, бидејќи се очекуваат врнежи.
По потреба ќе се спроведува и рачно регулирање на движењето.
Во деновите со густ сообраќај, ќе биде ограничено движењето на тешки возила над 12 тони по автопатите.
Сообраќајот на граничните премини со Грција, Србија, Македонија и Романија е нормален.