Зошто „Coca-Cola“ го запира производството во Венецуела?

Добивај вести на Viber

Поради недостигот на шеќер во социјалистичка Венецуела престанува производството на Coca-Cola.

„Производителите на шеќер во Венецуела не информираа дека треба да прекинат привремено со производството поради недостиг на суровини“, информира портпаролот на Coca-Cola Кери Треслер. Тоа ќе влијае на производството на содржаниот шеќерен пијалок во наредните денови.

Производството на други пијалоци, како минералната вода и Coca-Cola Light, нема да бидат под влијание. Компанијата е во врска со производители на шеќер и властите и ги „презема потребните мерки за решавање на ситуацијата“. Во земјата со најголемите нафтени резерви во светот кафеавиот безалкохолно газиран пијалок е многу популарна и во последно време можеше да се купи полесно отколку минералната вода, која исто така се претвори во дефицитарен производ.

Претходно во текот на годината и најголемиот локален производител на пиво Polar го прекина производството на производот бидејќи не можеше да увезува јачменов слад од странство. Земјата се соочува со акутен недостиг на лекови, делумно во болниците недостасува и кислород за пациентите.

Приближно 95% од девизните приходи се финансирани од продажбата на нафта, која, од една страна се распадна, а од друга - е организирана целосно од државата. Особено приватните претпријатија едвај добиваат пристап до странската валута. Иако цените на нафтата се зголемија повторно во последно време, во текот на оваа година цената на венецуелската нафта чини во просек 28,70 долари за барел, откако во 2015 година беше 44,65 долари за барел и 88,42 долари за барел во 2014 година.

Како што пренесува новинскиот портал El Nacional, вработени во Polar компанија која произведува околу 80% од пивото во земјата и е најголемиот приватен производител од прехранбената индустрија, ги чуваат четирите производствени бази на компанијата, бидејќи стравуваат од можна блокада од страна на населението .

Во последните денови тензиите одеднаш се зголемија во опфатената земја од економска, политичка и социјална криза каде што претседателот прогласи вонредна состојба, што му дава напредни надлежности во областите на безбедноста, енергоразпределбата и ширењето на прехранбени производи.

Вонредната состојба се отфрла од венецуелскиот парламент, каде што опозицијата на Мадуро држи мнозинство. Мадуро ја продолжи со свој указ вонредната состојба во земјата и им даде на воените сили правото во случај на потреба да го обезбедат и со оружје снабдувањето со намирници и помош.

Венецуела, некогаш просперитетна поради високите приходи од нафтата, сега се соочува со пропаст. Иако Мадуро ги одржува високите социјални програми, највисоката инфлација во светот ги јаде приходите на населението, а недостигот на странска валута доведува до дефицит на увозна храна и лекови. Испораката се случува со купони, се почесто има грабежи, а насилството продолжува да се зголемува.

Декретот на Мадуро исто така ги ограничува правата на контролираниот парламент од опозицијата , додека претседателот предупреди и за можноста од инвазија. 520 000 војници, резервисти и доброволци учествуваа во текот на викендот во воена вежба, а опозицискиот лидер Енрике Капролја кој ја загуби трката за претседателските избори во 2013 година, истакна дека „војната која во Венецуела ќе биде прогласена, ќе е против гладта“.

Исто така во вторникот стана јасно дека политичките противници на претседателот на Венецуела нема да успеат да организираат уште оваа година референдум за негово отповикување од власт.

На почетокот на овој месец опозицијата достави до парламентот 1,85 милиони потписи за поддршка на барање за референдум. Проверката на потписите треба да заврши на 2 јуни. Потоа за вршење на референдум ќе треба да се обезбеди поддршка од 4 милиони луѓе.

За опозицијата е важно да организира референдум уште оваа година, бидејќи ако тој се состои од 10 јануари 2017 година, дури државната глава да биде отстранета, тој ќе биде заменет од потпретседателот за преостанатите две години до следните избори , забележуваат агенциите.