ЗОШТО БРЗААТ РУСИЈА И ТУРЦИЈА: Проектот „Турски тек“ наскоро тргнува
Објавено во: Балкан, Економија 01 Септември, 2016
„Турски тек“ по кој ќе тече гас за Европа дефинитивно ќе биде изграден-сите дозволи за изградба на гасоводот би требало да бидат изадени во најкраток можен рок.
„Гаспром“ и Турција договорија забрзано издавање на дозволите за „Турски тек“, соопштуваат од рускиот гасен холдинг после работниот состанок на претседатеот на управата на Гаспром Алексеј Милер и министерот за енергетика и природни ресурси на Турција Берат Албајрак.
Како што пишуваат руските медиуми, постигнат е договор во најкраток рок да се завршат процедурите на издавање на сите потребни дозволи за почетокот на реализација на проектот „Турски тек“.
„Трговските преговори за услови на испораки на руски гас во Турција ќе бидат продолжени“, наведува комапнијата .
Проектот „Турски тек“ беше замрзнат откако односите на Москва и Анкара се влошија после соборувањето на рускиот воен авион „Су-24“ над Сирија кон крајот на ноември лани.
Русија во декември 2014 година се откажа од проектот „Јужен тек“ во корист на „Турски тек“, кој подразбира зградба на гасовод кој би водел од Русија во Турција по дното на Црното море.
Истовремено, во тее е проектот „Северен тек 2“ од Русија кон Германија како трајна дестинација.